ليش اسمها حكايا

الحكاية أقدم طريقة يتذكر فيها الناس شي. سمعناها صغار في المجالس، ونعيدها كبار، وننقلها لغيرنا بكلامنا ونبرتنا. وما أحد يتذكر قائمة مميزات، بس الكل يتذكر سالفة حلوة

كل علامة عندها حكاية

حتى أصغر محل وراه بداية: واحد قرر يفتح، وسبب خلاه يختار هالمكان، وناس يجون كل يوم لأنهم يحبون شي فيه. هذي حكاية العلامة، وهي اللي تفرّقها عن غيرها أكثر من الشعار والألوان

والمشكلة إن حكايات كثيرة ما تنحكى. صاحب المحل مشغول، والصوت الاحترافي مكلف ويبي وقت، والإعلان يطلع بنص مترجم ما يشبه اللي يتكلمه عملاؤه

ليش ما سمّيناها باسم الصوت

أول فكرة بدأنا فيها كانت الصوت: تكتب نص إعلانك ويطلع لك تعليق صوتي سعودي. بس الحكاية ما تنحكى بالصوت بس. أحياناً تحتاج صورة، وأحياناً مقطع، وأحياناً كلها مع بعض

فاخترنا اسم يتسع لهذا كله: حكايا، جمع حكاية. اسم عربي، سهل النطق، يفهمه أي أحد من أول مرة، وما يحصرنا في وسيلة وحدة

وش يعني لنا الاسم

• إن الحكاية حكايتك أنت، والتقنية أداة تختصر الطريق بس
• إن اللهجة جزء من الحكاية، فالصوت لازم يشبه ناسها
• وإن اللي يطلع باسمك لازم ينفحص قبل ما يوصل

وأول خدماتنا نعلن عنها قريب. وإذا عندك رأي في وش تكون، سجّل اهتمامك من الرئيسية